Seguimos a tope co noso proxecto de deseño. Precisabamos cortar os cús dos envases de iogur, como era moi difícil pedimos axuda aos compañeiros de soldadura do instituto... e alí que nos fomos, aproveitamos para ver o taller. Que chulada! Algúns xa queriamos quedar alí. Aproveitamos que á volta ao cole non chovía para ver as decoracións tan bonitas que nos puxeron enfronte da escola.
A familia de André ( faltou Carla, a quen lle mandamos moitos bicos tamén) acudiu o xoves ao cole para facer connosco unha manualidade e un experimento. Que contentos marchamos para casa coas nosas arboriñas!
Por fin fixo bo día para celebrar o magosto. Estivemos no cole de primaria xogando con todo o que nos trouxeron da Asociación Corredoiras e despois pasamos uns momentos divertidí
O noso Dami foi o prota da semana. Na aula apareceron a súa nai e seus irmáns, cun teatro de títeres! Fixeron un par de representacións marabillosas. E ademais, a mamá de Dami estaba de cumpre! Para celebralo convidounos a biscoito e varias lambetadas. Grazas familia!
No obradoiro matemático estivemos aprendendo a facer táboas de dúas entradas, seguimos a traballar motricidade e magnetismo na mesa de luz. Á mesa sensorial volveron as boliñas guais, que é como lles chamamos os Laretas, encántanos pesar, medir, facer trasvases, observar coa lupa...
Tamén tocou tomar decisións sobre como anunciar o produto que estamos a desenvolver: decidimos facer carteis e un anuncio para as redes: estade atent@s!
Que contentísimos, todos, por fin, temos todos , profe ti tamén tes un catro! Para celebralo houbo "festa rachada" como ben din o...
